Дали некогаш си се изгубила во бесконечна самоанализа, толку длабоко што те парализирала од акција?
Јас сум Елена Џебр, М-р психолог и дипломиран психотерапевт. Основач на „Трансформација“ каде креирам програми за личен раст и развој и автор на подкаст за ментално здравје.
Јас долги години бев на тоа место, перфекционист кој секојдневно работи на себе, но заглавена во парализа од преголема анализа.
После илјадници часови индивидуална работа со клиенти, сфатив една вистина:
Сè додека се бориш да се „поправиш“, никогаш нема да се чувствуваш доволна.
Пред неколку години, една клиентка ми рече:
„Елена, веќе знам премногу за мене, трауми, сите недостатоци, силните страни, вредности, но не знам како да живеам. Со тебе се чувствувам силна, а кога ќе излезам, пак сум сама.“
Тоа беше еден пресврт за мене, кога донесов одлука да создадам простор каде жените нема да „се поправаат“, туку ќе се прифаќаат и растат заедно. Затоа и почнав да снимам поткаст за личен развој и да креирам групни програми, за жените да можат да се вмрежуваат и да си бидат поддршка една на друга.
Надвор од работата, јас сум сопруга и мајка на три дечиња. Тие се мојот најголем учител за љубов, трпение и радост. Најголемиот дел од моето време го поминувам со нив и уживам во мајчинството.
Ги обожавам растенијата и законите на природата, тие ми се најголема инспирација и ми покажуваат колку растот е природен, а не присилен. Многу сакам да пишувам , да пијам кафе и да читам книги (а го обожавам и нивниот мирис) и да живеам, наместо постојано да се поправам.
Доста со анализа, време е за акција.